南非係一個野生動物天堂，尚中旅遊業好大程度來自於多個國家公園，遊客可以喺公園入面欣賞各種自由生活於原野間嘅野生動物。不過近日位於約翰尼期堡嘅Benoni Bunny Park就因為園內野兔數目不受控制，導致大量兔仔出現，決定捕捉當中2千隻並送往各處動物園成為肉食動物嘅糧食；當然一經媒體報道，立即升溫成動物權益團體嘅抗爭啦！野兔繁殖力強，而且會不斷進食草場，仲會連根拔起，如果長期唔理嘅話，的確可以好快會草地變成一幅幅爛地；不過今次公園咁做，有團體就覺得係殘忍行為，不可接受；而園方就強調，送去動物園前已經為兔仔進行安樂死，絕對唔會活活咁餵獅子老虎，而且確保全程有獸醫在場監察。其實兔仔為患嘅場面喺澳洲已經出現過，野兔大量繁殖之下令澳洲人談兔色變，後來要引入狐狸同埋兔仔致命病毒嘅蚊，先可以令99%野兔死亡！
檢視相片
公園野兔為患，園方決定送出2千隻兔仔作為動物園食物。
檢視相片
目前計劃以每星期50隻速度，捕捉並為兔仔進行安樂死。
檢視相片
其實樂園中飼養咗好多純種兔。
相關文章：
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
本文引用自: https://tw.news.yahoo.com/%E5%8D%97%E9%9D%9E%E5%9C%8B%E5%AE%B6%E5%85%AC%E5%9C%92%E5%A4%AA%E5%A4%9A%E麻將 百家樂 九州現金網
文章標籤
全站熱搜
留言列表
